Wie alles ohgfange hot
Es gebbt Leit, die mache Gschichde, unn es gebbt Leit, die verzähle se bei änme Schorle.
Graf Dubbeglas hot immer geglaawt, dass Musik e Sprooch is, die Mensche verbinne kann – egal wu se herkummme, wie se schwätze
oder was se glaawe.
Die Lieder uff denne zwää CD’s verzähle mol luschtiche, mol nochdenkliche, mol verrickte Gschichde aus em richdische Läwe.
Musikalisch is faschd alles erlaubt, was zur jeweilsche Gschicht bassd: Funk, Pop, Hip-Hop, Blues, Rock, Soul, Ballade, portugiesischer Breakbeat, orientalische und marokkanische Kläng – immer dem Lied und de Stimmung ohgebasst.
Fer Jung und jung Gebliewene soll’s e klaani Iwerraschungsrääs durch die Welt vun de Musik soi.
Ä kläänes Dankschää
Dankschää an all die Frähnd, die noch Luschd hän zuzuhöre, mitzusinge, mitzuschmunzle oder bei ämme gude Schobbe emol de Alldach zu vergesse.
Dankschää aa an die, die die Pälzer Sprooch lewändisch halte un Frääd an Gschichde hän, die des Läwe jeden Daach nai schreibt.
Hebt aier Dubbeglas hoch, genießt de Moment un losst aich iwwerrasche.